tablo ile evlenir

Polşa sakini Tomaş Urınoviç özünə məxsus olan tablo ilə evlənməyə qərar verib.

Lent.az-ın “korrespondent.net” saytına istinadən verdiyi məlumata görə, tabloda onun arzuladığı qız əks olunub.

Tomaş Urınoviç deyib ki, həyatda belə qadınla rastlaşmadığı üçün təsvirlə nikaha girir. O, bu tablonu 2001-ci ildə qalereyada görüb. 1955-ci ildə çəkilmiş tablo əhəmiyyətsiz bir əsər kimi bir kənara atılıbmış. 37 yaşlı Tomaş Urınoviç uzun illər naturaçını və tablonu çəkən rəssam Antoni Mariya Kvikanı axtarıb. Ancaq axtarışı nəticə verməyib və indi o, tablo ilə evlənmək niyyətindədir.

Qanuni yolla tablo ilə Polşada evlənmək mümkün olub-olmadığını bilməyən Tomaş Urınoviç lazım gələrsə, başqa bir ölkəyə gedərək bu nikahı gerçəkləşdirəcəyini vurğulayıb.