yaxsiliq

YAXŞILIQ QARŞILIQSIZ QALMAZ


Howard, yoxsul bir ailənin uşağıydı və məktəb xərclərini qarşılamaq üçün qapı-qapı dolaşaraq əşyalar satırdı.

O gün, heç bir şey sata bilməmişdi və çox acımışdı. Bundan sonra çalacağı ilk qapıdan yeyəcək bir şeylər istəməyə qərar verdi. Qapıyı açan sevimli gənc xanımı görüncə utandı.

Yeyəcək bir şeylər yerinə sadəcə "Bağışlayın, bir stəkan su xahiş edə bilərəm?" deyə bildi.

Gənc xanım, uşağın ac ola biləcəyini düşünərək ona bir stəkanda süd gətirdi. Uşaq, südü yavaş-yavaş içdikdən sonra:

"Çox təşəkkür edirəm, borcum nə qədərdir?" deyə soruşdu. Gənc xanım:

"Borcunuz yoxdur" deyərək, üzündə bir gülümsəməylə davam etdi;

"Anam, göstərdiyimiz şəfqət və nəzakət qarşılığı olaraq əsla bir bədəl ödənməsini gözləməmiyimizi öyrətdi bizə" dedi. Uşaq:

"O zaman çox təşəkkürlər, ürəkdən təşəkkür edirəm sizə" dedi.

Howard Kelly, evin önündən ayrıldığı zaman özünü yalnızca fiziki olaraq deyil, ruhsal olaraq da güclü hiss edirdi.

İllər sonra gənc xanım çox nadir rast gəlinən bir xəstəliyə yaxalanmışdı. Yerli həkimlər çarəsiz qalınca, xəstəliyi ilə ilgili araşdırmalar aparılması üçün onu digər şəhərə göndərdilər.

Dr. Howard Kelly, konsultasiya etməsi üçün çağırıldığı xəstənin hansı qəsəbədən gəldiyini eşidincə həyəcanlandı. Artıq gənc olmasa da illər öncə ona sevgiylə yanaşan xanımı ilk gördüyü anda tanımışdı və onun həyatını qurtarmaq üçün əlindən gələni etdi.

Uzun sürən müalicədən sonra xanım sağlığına qovuşdu. Dr. Kelly, incələnməsi üçün ona gətirilən hesaba baxdı və kiçik bir kağıza bir şeylər yazaraq zərfin içinə qoydu və xəstə xanımın otağına göndərdi.

Qadın əlləri titrəyərək aldı zərfi əlinə.

Açmağa qorxurdu... Xəstəxana xərclərini əsla ödəyə bilməyəcəyini və geri qalan yaşamı boyunca bu xərcləri ödəmək üçün işləməli olacağını bilirdi.

Sonunda zərfi açdı və qəbzə əlavə olunmuş bir qeyd diqqətini çəkdi. Kağızda bunlar yazılmışdı:

"Xəstəxana xərclərinin hamısı 1 stəkan süd qarşılığı ödənmişdir".