Hamit hangi klube gecicek?

Türkiyənin "Fənərbaxça", "Qalatasaray" və "Trabzonspor" klublarının transfer siyahısında olan Hamit Altıntopa ingilis nəhəngi "Çelsi"dən də təklif gəlib. Qol.Az-ın məlumatına görə, mövsümün sonunda "Bavariya"dan ayrılacaq Altıntopun "Çelsi"nin təklifini bir həftə ərzində dəyərləndirəcəyi bildirilir.

Daha öncə verdiyi açıqlamada Türkiyəyə qayıtmağı düşünmədiyini söyləyən Altıntop əsasən Çempionlar Liqasında mübarizə aparacaq kluba keçmək istədiyini bildirib. "Çelsi"yə keçidi başa tutmayacağı təqdirdə, Altıntopun Türkiyə nəhənglərindən birinə transfer olacağı gözlənilir.

Altıntopun transfer məsələsində "Trabzonspor" daha şanslı görünür. Buna səbəb kimi isə "Trabzonspor"un bu mövsüm Türkiyə çempionu olaraq Çempionlar Liqasında iştirak etməsi göstərilir.

Qeyd edək ki, Altıntop 2007-ci ildən "Bavariya" klubunun şərəfini qoruyur.