gozel sevgi seirleri 2 eded seir de unuda bileremmi men seni ve ah yaniram ah

DE UNUDA BİLƏRƏMMİ MƏN SƏNİ?


Həbs olmusan ürəyimə əbədi.
De, unuda bilərəmmi mən səni?
Sənsizlikdə bir an üzüm gülmədi.
De, unuda bilərəmmi mən səni?

Tapıb səni alaram qanadıma
Alıb səni çataram muradıma.
Bu sevgidə sən yetişdin dadıma
De, unuda bilərəmmi mən səni?

Parçalayıb çıxarsalar qəlbimi,
Alıb məndən aparsalar ömrümü,
Kimsə məndən ala bilməz sevgimi
De, unuda bilərəmmi mən səni?

Sevinərəm, mən sənə sirdaş olsam,
Üzülərəm, gözlərində yaş olsam.
Bu sevgidə əbədilik daş olsam.
De, unuda bilərəmmi mən səni?

Bu ömrümü sənə verdim hədiyyə
Al canımı, vida deyim gəncliyə.
Bu sual dolaşır başımda, niyə?
De, unuda bilərəmmi mən səni?


AH YANIRAM MƏN.


Dalıram xəyala fikirlərimlə
Xəyallarımda hey anıram mən.
Xatirəm qalıbdır, məhəbbət köçüb.
O gözəl günləri qısqanıram mən.

Qəlbimdə salmışdın bir sevgi bağı
Sən bir ağac idin, mənsə budağı
Bu imiş sevginin sönməz ocağı?
Məhv olub, bu yolda aldanıram mən.

Yalandan deyirdin bizimdir zəfər.
Əlinlə içirdin sevginə zəhər.
Verdiyim sevgidən görmədim bəhər.
Sevgim yalan idi, bil, danıram mən.

Məhəbbət var idi qəlbimdə sənə.
Gizlidə saxlasam olacaq yenə
Ölüm şərbətini içirtdin mənə
Başqa bir dünyaya yollanıram mən.

Bu acı, qəlbimi doğrayır əzir.
Allahım, sevənə yetir sən səbir.
O sevgim- ölüdür, ürəyim � qəbir.
Dəfn etdim sevgimi, ah, yanıram mən